vaiśākhē māsi kṛṣṇāyāṃ daśamyāṃ maṃdavāsarē ।

pūrvābhādrā prabhūtāya maṃgaḷaṃ śrīhanūmatē ॥ 1 ॥

karuṇārasapūrṇāya phalāpūpapriyāya ca ।

māṇikyahārakaṃṭhāya maṃgaḷaṃ śrīhanūmatē ॥ 2 ॥

suvarcalākaḷatrāya caturbhujadharāya ca ।

uṣṭrārūḍhāya vīrāya maṃgaḷaṃ śrīhanūmatē ॥ 3 ॥

divyamaṃgaḷadēhāya pītāṃbaradharāya ca ।

taptakāṃcanavarṇāya maṃgaḷaṃ śrīhanūmatē ॥ 4 ॥

bhaktarakṣaṇaśīlāya jānakīśōkahāriṇē ।

sṛṣṭikāraṇabhūtāya maṃgaḷaṃ śrīhanūmatē ॥ 5 ॥

raṃbhāvanavihārāya gaṃdhamādanavāsinē ।

sarvalōkaikanāthāya maṃgaḷaṃ śrīhanūmatē ॥ 6 ॥

paṃcānanāya bhīmāya kālanēmiharāya ca ।

kauṃḍinyagōtrajātāya maṃgaḷaṃ śrīhanūmatē ॥ 7 ॥

kēsarīputra divyāya sītānvēṣaparāya ca ।

vānarāṇāṃ variṣṭhāya maṃgaḷaṃ śrīhanūmatē ॥ 8 ॥

iti śrī āṃjanēya  maṃgaḷāṣṭakam ।