ōm ॥ jā॒tavē॑dasē sunavāma॒ sōma॑ marātīya॒tō nida॑hāti॒ vēdaḥ॑ ।

sa naḥ॑ par-ṣa॒dati॑ du॒rgāṇi॒ viśvā॑ nā॒vēva॒ siṃdhuṃ॑ duri॒tā'tya॒gniḥ ॥

tāma॒gniva॑rṇāṃ॒ tapa॑sā jvalaṃ॒tīṃ-vaiఀ ॑rōca॒nīṃ ka॑rmapha॒lēṣu॒ juṣṭā᳚m ।

du॒rgāṃ dē॒vīgṃ śara॑ṇama॒haṃ prapa॑dyē su॒tara॑si tarasē॒ namaḥ॑ ॥

agnē॒ tvaṃ pā॑rayā॒ navyō॑ a॒smāṃthsva॒stibhi॒rati॑ du॒rgāṇi॒ viśvā᳚ ।

pūśca॑ pṛ॒thvī ba॑hu॒lā na॑ u॒rvī bhavā॑ tō॒kāya॒ tana॑yāya॒ śaṃyōఀḥ ॥

viśvā॑ni nō du॒rgahā॑ jātavēdaḥ॒ siṃdhu॒nna nā॒vā du॑ri॒tā'ti॑par-ṣi ।

agnē॑ atri॒vanmana॑sā gṛṇā॒nō᳚'smākaṃ॑ bōdhyavi॒tā ta॒nūnā᳚m ॥

pṛ॒ta॒nā॒ jita॒gṃ॒ saha॑mānamu॒grama॒gnigṃ hu॑vēma para॒māthsa॒dhasthā᳚t ।

sa naḥ॑ par-ṣa॒dati॑ du॒rgāṇi॒ viśvā॒ kṣāma॑ddē॒vō ati॑ duri॒tā'tya॒gniḥ ॥

pra॒tnōṣi॑ ka॒mīḍyō॑ adhva॒rēṣu॑ sa॒nācca॒ hōtā॒ navya॑śca॒ satsi॑ ।

svāṃcā᳚'gnē ta॒nuvaṃ॑ pi॒praya॑svā॒smabhyaṃ॑ ca॒ saubha॑ga॒māya॑jasva ॥

gōbhi॒rjuṣṭa॑mayujō॒ niṣi॑ktaṃ॒ tavēṃ᳚dra viṣṇō॒ranu॒saṃca॑rēma ।

nāka॑sya pṛ॒ṣṭhama॒bhi saṃ॒vaఀsā॑nō॒ vaiṣṇa॑vīṃ-lōఀ॒ka i॒ha mā॑dayaṃtām ॥

ōṃ kā॒tyā॒ya॒nāya॑ vi॒dmahē॑ kanyaku॒māri॑ dhīmahi । tannō॑ durgiḥ pracō॒dayā᳚t ॥

ōṃ śāṃtiḥ॒ śāṃtiḥ॒ śāṃtiḥ॑ ॥