namaḥ śivābhyāṃ navayauvanābhyāṃ

parasparāśliṣṭavapurdharābhyām ।

nagēṃdrakanyāvṛṣakētanābhyāṃ

namō namaḥ śaṃkarapārvatībhyām ॥ 1 ॥


namaḥ śivābhyāṃ sarasōtsavābhyāṃ

namaskṛtābhīṣṭavarapradābhyām ।

nārāyaṇēnārcitapādukābhyāṃ

namō namaḥ śaṃkarapārvatībhyām ॥ 2 ॥


namaḥ śivābhyāṃ vṛṣavāhanābhyāṃ

viriṃciviṣṇviṃdrasupūjitābhyām ।

vibhūtipāṭīravilēpanābhyāṃ

namō namaḥ śaṃkarapārvatībhyām ॥ 3 ॥


namaḥ śivābhyāṃ jagadīśvarābhyāṃ

jagatpatibhyāṃ jayavigrahābhyām ।

jaṃbhārimukhyairabhivaṃditābhyāṃ

namō namaḥ śaṃkarapārvatībhyām ॥ 4 ॥


namaḥ śivābhyāṃ paramauṣadhābhyāṃ

paṃcākṣarīpaṃjararaṃjitābhyām ।

prapaṃcasṛṣṭisthitisaṃhṛtābhyāṃ

namō namaḥ śaṃkarapārvatībhyām ॥ 5 ॥


namaḥ śivābhyāmatisuṃdarābhyāṃ

atyaṃtamāsaktahṛdaṃbujābhyām ।

aśēṣalōkaikahitaṃkarābhyāṃ

namō namaḥ śaṃkarapārvatībhyām ॥ 6 ॥


namaḥ śivābhyāṃ kalināśanābhyāṃ

kaṃkāḷakalyāṇavapurdharābhyām ।

kailāsaśailasthitadēvatābhyāṃ

namō namaḥ śaṃkarapārvatībhyām ॥ 7 ॥


namaḥ śivābhyāmaśubhāpahābhyāṃ

aśēṣalōkaikaviśēṣitābhyām ।

akuṃṭhitābhyāṃ smṛtisaṃbhṛtābhyāṃ

namō namaḥ śaṃkarapārvatībhyām ॥ 8 ॥


namaḥ śivābhyāṃ rathavāhanābhyāṃ

ravīṃduvaiśvānaralōcanābhyām ।

rākāśaśāṃkābhamukhāṃbujābhyāṃ

namō namaḥ śaṃkarapārvatībhyām ॥ 9 ॥


namaḥ śivābhyāṃ jaṭilaṃdharābhyāṃ

jarāmṛtibhyāṃ ca vivarjitābhyām ।

janārdanābjōdbhavapūjitābhyāṃ

namō namaḥ śaṃkarapārvatībhyām ॥ 10 ॥


namaḥ śivābhyāṃ viṣamēkṣaṇābhyāṃ

bilvacchadāmallikadāmabhṛdbhyām ।

śōbhāvatīśāṃtavatīśvarābhyāṃ

namō namaḥ śaṃkarapārvatībhyām ॥ 11 ॥


namaḥ śivābhyāṃ paśupālakābhyāṃ

jagatrayīrakṣaṇabaddhahṛdbhyām ।

samastadēvāsurapūjitābhyāṃ

namō namaḥ śaṃkarapārvatībhyām ॥ 12 ॥


stōtraṃ trisaṃdhyaṃ śivapārvatībhyāṃ

bhaktyā paṭhēddvādaśakaṃ narō yaḥ ।

sa sarvasaubhāgyaphalāni

bhuṃktē śatāyurāṃtē śivalōkamēti ॥ 13 ॥