acyutaṃ kēśavaṃ rāmanārāyaṇaṃ
kṛṣṇadāmōdaraṃ vāsudēvaṃ harim ।
śrīdharaṃ mādhavaṃ gōpikā vallabhaṃ
jānakīnāyakaṃ rāmacaṃdraṃ bhajē ॥ 1 ॥

acyutaṃ kēśavaṃ satyabhāmādhavaṃ
mādhavaṃ śrīdharaṃ rādhikā rādhitam ।
iṃdirāmaṃdiraṃ cētasā suṃdaraṃ
dēvakīnaṃdanaṃ naṃdajaṃ saṃdadhē ॥ 2 ॥

viṣṇavē jiṣṇavē śaṃkanē cakriṇē
rukmiṇī rāgiṇē jānakī jānayē ।
vallavī vallabhāyārcitā yātmanē
kaṃsa vidhvaṃsinē vaṃśinē tē namaḥ ॥ 3 ॥

kṛṣṇa gōviṃda hē rāma nārāyaṇa
śrīpatē vāsudēvājita śrīnidhē ।
acyutānaṃta hē mādhavādhōkṣaja
dvārakānāyaka draupadīrakṣaka ॥ 4 ॥

rākṣasa kṣōbhitaḥ sītayā śōbhitō
daṃḍakāraṇyabhū puṇyatākāraṇaḥ ।
lakṣmaṇōnānvitō vānaraiḥ sēvitō
agastya saṃpūjitō rāghavaḥ pātu mām ॥ 5 ॥

dhēnukāriṣṭakō'niṣṭakṛddvēṣiṇāṃ
kēśihā kaṃsahṛdvaṇśikāvādakaḥ ।
pūtanākōpakaḥ sūrajākhēlanō
bālagōpālakaḥ pātu māṃ sarvadā ॥ 6 ॥

vidyududyōtavatprasphuradvāsasaṃ
prāvṛḍaṃbhōdavatprōllasadvigraham ।
vanyayā mālayā śōbhitōraḥsthalaṃ
lōhitāṃghridvayaṃ vārijākṣaṃ bhajē ॥ 7॥

kuṃcitaiḥ kuṃtalai bhrājamānānanaṃ
ratnamauḷiṃ lasat-kuṃḍalaṃ gaṃḍayōḥ ।
hārakēyūrakaṃ kaṃkaṇa prōjjvalaṃ
kiṃkiṇī maṃjulaṃ śyāmalaṃ taṃ bhajē ॥ 8 ॥

acyutasyāṣṭakaṃ yaḥ paṭhēdiṣṭadaṃ
prēmataḥ pratyahaṃ pūruṣaḥ saspṛham ।
vṛttataḥ suṃdaraṃ kartṛ viśvaṃbharaḥ
tasya vaśyō hari rjāyatē satvaram ॥
acyutaṃ kēśavaṃ rāmanārāyaṇaṃ
kṛṣṇadāmōdaraṃ vāsudēvaṃ harim ।
śrīdharaṃ mādhavaṃ gōpikā vallabhaṃ
jānakīnāyakaṃ rāmacaṃdraṃ bhajē ॥ 1 ।
॥ iti śrīśaṃkarācāryaviracitamacyutāṣṭakaṃ saṃpūrṇam ॥