vasudēva sutaṃ dēvaṃ kaṃsa cāṇūra mardanam ।
dēvakī paramānaṃdaṃ kṛṣṇaṃ vaṃdē jagadgurum ॥

atasī puṣpa saṃkāśaṃ hāra nūpura śōbhitam ।
ratna kaṃkaṇa kēyūraṃ kṛṣṇaṃ vaṃdē jagadgurum ॥

kuṭilālaka saṃyuktaṃ pūrṇacaṃdra nibhānanam ।
vilasat kuṃḍaladharaṃ kṛṣṇaṃ vaṃdē jagadguram ॥

maṃdāra gaṃdha saṃyuktaṃ cāruhāsaṃ caturbhujam ।
barhi piṃchāva cūḍāṃgaṃ kṛṣṇaṃ vaṃdē jagadgurum ॥

utphulla padmapatrākṣaṃ nīla jīmūta sannibham ।
yādavānāṃ śirōratnaṃ kṛṣṇaṃ vaṃdē jagadgurum ॥

rukmiṇī kēḷi saṃyuktaṃ pītāṃbara suśōbhitam ।
avāpta tulasī gaṃdhaṃ kṛṣṇaṃ vaṃdē jagadgurum ॥

gōpikānāṃ kucadvaṃda kuṃkumāṃkita vakṣasam ।
śrīnikētaṃ mahēṣvāsaṃ kṛṣṇaṃ vaṃdē jagadgurum ॥

śrīvatsāṃkaṃ mahōraskaṃ vanamālā virājitam ।
śaṃkhacakra dharaṃ dēvaṃ kṛṣṇaṃ vaṃdē jagadgurum ॥

kṛṣṇāṣṭaka midaṃ puṇyaṃ prātarutthāya yaḥ paṭhēt ।
kōṭijanma kṛtaṃ pāpaṃ smaraṇēna vinaśyati ॥