ādilakṣmi
sumanasa vaṃdita suṃdari mādhavi, caṃdra sahodari hēmamayē
munigaṇa vaṃdita mōkṣapradāyani, maṃjula bhāṣiṇi vēdanutē ।
paṃkajavāsini dēva supūjita, sadguṇa varṣiṇi śāṃtiyutē
jaya jayahē madhusūdana kāmini, ādilakṣmi paripālaya mām ॥ 1 ॥

dhānyalakṣmi
ayikali kalmaṣa nāśini kāmini, vaidika rūpiṇi vēdamayē
kṣīra samudbhava maṃgaḷa rūpiṇi, maṃtranivāsini maṃtranutē ।
maṃgaḷadāyini aṃbujavāsini, dēvagaṇāśrita pādayutē
jaya jayahē madhusūdana kāmini, dhānyalakṣmi sadāpālaya māṃ ॥ 2 ॥

dhairyalakṣmi
jayavaravarṣiṇi vaiṣṇavi bhārgavi, maṃtra svarūpiṇi maṃtramayē
suragaṇa pūjita śīghra phalaprada, jñāna vikāsini śāstranutē ।
bhavabhayahāriṇi pāpavimōcani, sādhu janāśrita pādayutē
jaya jayahē madhusūdana kāmini, dhairyalakṣmī paripālaya mām ॥ 3 ॥

gajalakṣmi
jaya jaya durgati nāśini kāmini, sarvaphalaprada śāstramayē
radhagaja turagapadāti samāvṛta, parijana maṃḍita lōkanutē ।
harihara brahma supūjita sēvita, tāpa nivāriṇi pādayutē
jaya jayahē madhusūdana kāmini, gajalakṣmī rūpēṇa pālaya mām ॥ 4 ॥

saṃtānalakṣmi
ayikhaga vāhini mōhini cakriṇi, rāgavivardhini jñānamayē
guṇagaṇavāradhi lōkahitaiṣiṇi, svarasapta bhūṣita gānanutē ।
sakala surāsura dēva munīśvara, mānava vaṃdita pādayutē
jaya jayahē madhusūdana kāmini, saṃtānalakṣmī tvaṃ pālaya māṃ ॥ 5 ॥

vijayalakṣmi
jaya kamalāsini sadgati dāyini, jñānavikāsini gānamayē
anudina marcita kuṃkuma dhūsara, bhūṣita vāsita vādyanutē ।
kanakadharāstuti vaibhava vaṃdita, śaṃkaradēśika mānyapadē
jaya jayahē madhusūdana kāmini, vijayalakṣmī sadā pālaya māṃ ॥ 6 ॥

vidyālakṣmi
praṇata surēśvari bhārati bhārgavi, śōkavināśini ratnamayē
maṇimaya bhūṣita karṇavibhūṣaṇa, śāṃti samāvṛta hāsyamukhē ।
navanidhi dāyini kalimalahāriṇi, kāmita phalaprada hastayutē
jaya jayahē madhusūdana kāmini, vidyālakṣmī sadā pālaya mām ॥ 7 ॥

dhanalakṣmi
dhimidhimi dhiṃdhimi dhiṃdhimi-diṃdhimi, duṃdhubhi nāda supūrṇamayē
ghumaghuma ghuṃghuma ghuṃghuma ghuṃghuma, śaṃkha nināda suvādyanutē ।
vēda pūrāṇētihāsa supūjita, vaidika mārga pradarśayutē
jaya jayahē madhusūdana kāmini, dhanalakṣmi rūpēṇā pālaya mām ॥ 8 ॥

phalaśṛti
ślō॥ aṣṭalakṣmī namastubhyaṃ varadē kāmarūpiṇi ।
viṣṇuvakṣaḥ sthalā rūḍhē bhakta mōkṣa pradāyini ॥
ślō॥ śaṃkha cakragadāhastē viśvarūpiṇitē jayaḥ ।
jaganmātrē ca mōhinyai maṃgaḷaṃ śubha maṃgaḷam