hē svāminātha karuṇākara dīnabaṃdhō,
śrīpārvatīśamukhapaṃkaja padmabaṃdhō ।
śrīśādidēvagaṇapūjitapādapadma,
vallīsanātha mama dēhi karāvalaṃbam ॥ 1 ॥
dēvādidēvanuta dēvagaṇādhinātha,
dēvēṃdravaṃdya mṛdupaṃkajamaṃjupāda ।
dēvarṣināradamunīṃdrasugītakīrtē,
vallīsanātha mama dēhi karāvalaṃbam ॥ 2 ॥
nityānnadāna niratākhila rōgahārin,
tasmātpradāna paripūritabhaktakāma ।
śṛtyāgamapraṇavavācyanijasvarūpa,
vallīsanātha mama dēhi karāvalaṃbam ॥ 3 ॥
krauṃcāsurēṃdra parikhaṃḍana śaktiśūla,
pāśādiśastraparimaṃḍitadivyapāṇē ।
śrīkuṃḍalīśa dhṛtatuṃḍa śikhīṃdravāha,
vallīsanātha mama dēhi karāvalaṃbam ॥ 4 ॥
dēvādidēva rathamaṃḍala madhya vēdya,
dēvēṃdra pīṭhanagaraṃ dṛḍhacāpahastam ।
śūraṃ nihatya surakōṭibhirīḍyamāna,
vallīsanātha mama dēhi karāvalaṃbam ॥ 5 ॥
hārādiratnamaṇiyuktakirīṭahāra,
kēyūrakuṃḍalalasatkavacābhirāma ।
hē vīra tāraka jayā'marabṛṃdavaṃdya,
vallīsanātha mama dēhi karāvalaṃbam ॥ 6 ॥
paṃcākṣarādimanumaṃtrita gāṃgatōyaiḥ,
paṃcāmṛtaiḥ pramuditēṃdramukhairmunīṃdraiḥ ।
paṭṭābhiṣikta hariyukta parāsanātha,
vallīsanātha mama dēhi karāvalaṃbam ॥ 7 ॥
śrīkārtikēya karuṇāmṛtapūrṇadṛṣṭyā,
kāmādirōgakaluṣīkṛtaduṣṭacittam ।
bhaktvā tu māmavakaḷādhara kāṃtikāṃtyā,
vallīsanātha mama dēhi karāvalaṃbam ॥ 8 ॥
subrahmaṇya karāvalaṃbaṃ puṇyaṃ yē paṭhaṃti dvijōttamāḥ ।
tē sarvē mukti māyāṃti subrahmaṇya prasādataḥ ।
subrahmaṇya karāvalaṃbamidaṃ prātarutthāya yaḥ paṭhēt ।
kōṭijanmakṛtaṃ pāpaṃ tatkṣaṇādēva naśyati ॥