darśanādabhrasadasi jananātkamalālayē ।
kāśyāṃ tu maraṇānmuktiḥ smaraṇādaruṇācalē ॥ 1 ॥

karuṇāpūritāpāṃgaṃ śaraṇāgatavatsalam ।
taruṇēṃdujaṭāmauliṃ smaraṇādaruṇācalam ॥ 2 ॥

samastajagadādhāraṃ saccidānaṃdavigraham ।
sahasrarathasōpētaṃ smaraṇādaruṇācalam ॥ 3 ॥

kāṃcanapratimābhāsaṃ vāṃchitārthaphalapradam ।
māṃ ca rakṣa surādhyakṣaṃ smaraṇādaruṇācalam ॥ 4 ॥

baddhacaṃdrajaṭājūṭamardhanārīkalēbaram ।
vardhamānadayāṃbhōdhiṃ smaraṇādaruṇācalam ॥ 5 ॥

kāṃcanapratimābhāsaṃ sūryakōṭisamaprabham ।
baddhavyāghrapurīdhyānaṃ smaraṇādaruṇācalam ॥ 6 ॥

śikṣayākhiladēvāri bhakṣitakṣvēlakaṃdharam ।
rakṣayākhilabhaktānāṃ smaraṇādaruṇācalam ॥ 7 ॥

aṣṭabhūtisamāyuktamiṣṭakāmaphalapradam ।
śiṣṭabhaktisamāyuktān smaraṇādaruṇācalam ॥ 8 ॥

vināyakasurādhyakṣaṃ viṣṇubrahmēṃdrasēvitam ।
vimalāruṇapādābjaṃ smaraṇādaruṇācalam ॥ 9 ॥

maṃdāramallikājātikuṃdacaṃpakapaṃkajaiḥ ।
iṃdrādipūjitāṃ dēvīṃ smaraṇādaruṇācalam ॥ 10 ॥

saṃpatkaraṃ pārvatīśaṃ sūryacaṃdrāgnilōcanam ।
maṃdasmitamukhāṃbhōjaṃ smaraṇādaruṇācalam ॥ 11 ॥

iti śrī aruṇācala aṣṭakaṃ ॥