శ్రీ శ్యామల దేవి అష్టోత్తరం చేర్చబడినది.

Laghu Stotraṁ

Saurāṣṭre Somanādhaṁcha Śrīśaile Mallikārjunam |
Ujjayinyāṁ Mahākālaṁ Oṁkāretvamāmaleśvaram ||
Parlyāṁ Vaidyanādhaṁca Ḍhākinyāṁ Bhīma Śankarām |
Setubandhetu Rāmeśaṁ Nāgeśaṁ Dārukāvane ||
Vāraṇāśyāntu Viśveśaṁ Trayambakaṁ Gautamīṭate |
Himālayetu Kedāraṁ Ghṛṣṇeśantu Viśālake ||

Etāni Jyotirliṅgāni Sāyaṁ Prātaḥ Paṭhennaraḥ |
Sapta Janma Kṛtaṁ Pāpaṁ Smaraṇena Vinaśyati ||

Sampūrṇa Stotraṁ

Saurāṣṭradese Viśade'atiramye Jyotirmayaṁ Chandrakalāvataṁsam |
Bhaktapradānāya Kṛpāvatīrṇaṁ taṁ Somanādhaṁ śaraṇaṁ prapadye || 1 ||

Śrīśailaśṛṅge Vividhaprasange Śeṣādriśṛṅge'pi sadā Vasantam |
Tamarjunaṁ Mallikāpūrvamenaṁ Namāmi Saṁsārasamudrasetum || 2 ||

Avantikāyāṁ Vihitāvatāraṁ Muktipradānāya ca Sajjānānām |
Akālamṛtyoḥ Parirakṣaṇārthaṁ Vande Mahākālamahāsureśam || 3 ||

Kāverikānamardayoḥ Pavitre Samāgame Sajjānatarāṇāya |
Sadaiva Māndhātṛpure Vasantam Oṁkāramīśaṁ Śivamekamīḍe || 4 ||

Pūrvottare Prajvalikānidhāne Sadā Vasaṁ taṁ Girijāsametam |
Surāsurārādhitapādapadmaṁ Śrī Vaidyanāthaṁ Tamahaṁ Namāmi || 5 ||

Yaṁ Ḍākinīśākinikāsamāje Niṣevyamāṇaṁ Piśitāśanaiśca |
Sadaiva Bhīmādipadaprasiddhaṁ taṁ Śankaraṁ Bhaktahitaṁ Namāmi || 6 ||

Śrītāmraparṇījalarāsiyoge Nibadhya Setuṁ Viśikhairasaṁkhyaiḥ |
Śrīrāmacandreṇa Samarpitaṁ taṁ Rāmeśvarākhyam Niyataṁ Namāmi || 7 ||

Yāmye Sadange Nagare'atiramye Vibhūṣitaṁgaṁ Vividhaiśca Bhogaiḥ |
Sadbhaktimuktipradamīśamekaṁ Śrīnāganāthaṁ Śaraṇaṁ Prapadye || 8 ||

Sānandamānandavane Vasantam Ānandakandaṁ Hatapāpabṛndam |
Vāraṇasīnāthamanāthanāthaṁ Śrīviśvanāthaṁ Śaraṇaṁ Prapadye || 9 ||

Sahyādriśīrṣe Vimale Vasantam Godāvaritīrapavitradeśe |
Yaddarśanāt Pātakaṁ Pāśu Nāśaṁ Prayāti taṁ Tryambakameśamīḍe || 10 ||

Mahādri Pārśve ca Taṭe Ramantaṁ Sampūjyamānaṁ Satataṁ Munīndraiḥ |
Surāsurairyakṣa Mahōragāḍyaiḥ Kedārameśaṁ Śivamekamīḍe || 11 ||

Ilāpure Ramyaviśālake'asmin Samullasantaṁ ca Jagadvarēṇyam |
Vande Mahōdāratarasvabhāvaṁ Ghṛṣṇeśvarākhyam Śaraṇaṁ Prapadye || 12 ||

Jyotirmayadvādaśaliṅgakānāṁ Śivātmanāṁ Proktamidaṁ Krameṇa |
Stotraṁ Paṭhitvā Manujo'ṭibhaktyā Phalaṁ Tadālōkya Nijaṁ Bhajēccha ||

Iti Śrī Dvādaśa Jyotirliṅga Stotraṁ Sampūrṇaṁ ||