Śrī Kālabhairava Aṣṭakam

Devarāja-sevyamāna-pāvanāṅgri-paṅkajaṁ
Vyāḷayajña-sūtramindu-śekharaṁ Kṛpākaraṁ |
Nārādādi-yogibṛnda-vanditaṁ Digambaraṁ
Kāśikāpurādhinātha Kālabhairavaṁ Bhaje || 1 ||

Bhānukoṭi-bhāsvaraṁ Bhavabdhitārakaṁ paraṁ
Nīlakaṇṭha-mīpsitārdha-dāyakaṁ Trilocanam |
Kālākāla-mambujākṣa-makṣaśūla-makṣaraṁ
Kāśikāpurādhinātha Kālabhairavaṁ Bhaje || 2 ||

Śūlaṭaṅka-pāśadaṇḍa-pāṇimādi-kāraṇaṁ
Śyāmakāya-mādideva-makṣaraṁ Nirāmayam |
Bhīmavikramaṁ Prabhuṁ Vicitra Tāṇḍava Priyaṁ
Kāśikāpurādhinātha Kālabhairavaṁ Bhaje || 3 ||

Bhukti-mukti-dāyakaṁ Praśastacāru-vigrahaṁ
Bhaktavatsalaṁ Sthiraṁ Samastaloka-vigraham |
Nikvaṇan-manojña-hema-kinkiṇī-lasatkaṭiṁ
Kāśikāpurādhinātha Kālabhairavaṁ Bhaje || 4 ||

Dharma-setu-pālakaṁ Tvadharmamārga-nāśakaṁ
Karmapāśa-mocakaṁ Suśarma-dāyakaṁ Vibhum |
Svarṇavarṇa-keśapāśa-śobhitāṅga-maṇḍalaṁ
Kāśikāpurādhinātha Kālabhairavaṁ Bhaje || 5 ||

Ratna-pādukā-prabhābhirāma-pādayugmakaṁ
Nitya-madvitīya-miṣṭa-daivataṁ Niranjanam |
Mṛtyudarpa-nāśanaṁ Karāla-daṁṣṭra-mokṣaṇaṁ
Kāśikāpurādhinātha Kālabhairavaṁ Bhaje || 6 ||

Aṭṭahāsa-bhinna-padmajāṇḍakośa-santatiṁ
Dṛṣṭipāta-naṣṭapāpa-jālamugra-śāsanam |
Aṣṭasiddhi-dāyakaṁ Kapālamālikā-dharaṁ
Kāśikāpurādhinātha Kālabhairavaṁ Bhaje || 7 ||

Bhūta-saṁgha-nāyakaṁ Viśālakīrti-dāyakaṁ
Kāśivāsi-loka-puṇya-pāpa-śodhakaṁ Vibhum |
Nītimārga-kovidaṁ Purātanaṁ Jagatpatiṁ
Kāśikāpurādhinātha Kālabhairavaṁ Bhaje || 8 ||

Kālabhairava-aṣṭakaṁ Paṭhanti Ye Manoharaṁ
Jñānamukti-sādhakaṁ Vicitra-puṇya-vardhanam |
Śokamoha-lobhadainya-kopatāpa-nāśanaṁ
Te Prayānti Kālabhairavāṅgri-sannidhiṁ Dhruvam ||

Iti Śrīmacchaṅkarācārya Viracitaṁ Kālabhairava-aṣṭakaṁ Sampūrṇam ||