viditākhila śāstra sudhā jaladhē
mahitōpaniṣat-kathitārtha nidhē ।
hṛdayē kalayē vimalaṃ caraṇaṃ
bhava śaṃkara dēśika mē śaraṇam ॥ 1 ॥

karuṇā varuṇālaya pālaya māṃ
bhavasāgara duḥkha vidūna hṛdam ।
racayākhila darśana tattvavidaṃ
bhava śaṃkara dēśika mē śaraṇam ॥ 2 ॥

bhavatā janatā suhitā bhavitā
nijabōdha vicāraṇa cārumatē ।
kalayēśvara jīva vivēka vidaṃ
bhava śaṃkara dēśika mē śaraṇam ॥ 3 ॥

bhava eva bhavāniti me nitarāṃ
samajāyata cētasi kautukitā ।
mama vāraya mōha mahājaladhiṃ
bhava śaṃkara dēśika mē śaraṇam ॥ 4 ॥

sukṛtē'dhikṛtē bahudhā bhavatō
bhavitā samadarśana lālasatā ।
ati dīnamimaṃ paripālaya māṃ
bhava śaṃkara dēśika mē śaraṇam ॥ 5 ॥

jagatīmavituṃ kalitākṛtayō
vicaraṃti mahāmāha sacchalataḥ ।
ahimāṃśurivātra vibhāsi gurō
bhava śaṃkara dēśika mē śaraṇam ॥ 6 ॥

gurupuṃgava puṃgavakētana tē
samatāmayatāṃ na hi kō'pi sudhīḥ ।
śaraṇāgata vatsala tattvanidhē
bhava śaṃkara dēśika mē śaraṇam ॥ 7 ॥

viditā na mayā viśadaika kalā
na ca kiṃcana kāṃcanamasti gurō ।
dṛtamēva vidhēhi kṛpāṃ sahajāṃ
bhava śaṃkara dēśika mē śaraṇam ॥ 8 ॥