ādityaḥ prathamaṃ nāmaṃ dvitīyaṃ tu divākaraḥ ।
tṛtīyaṃ bhāskaraḥ prōktaṃ caturthaṃ tu prabhākaraḥ ॥ 1 ॥

paṃcamaṃ tu sahasrāṃśuḥ ṣaṣṭhaṃ caiva trilōcanaḥ ।
saptamaṃ haridaśvaśca aṣṭamaṃ tu vibhāvasuḥ ॥ 2 ॥

navamaṃ dinakṛt prōktaṃ daśamaṃ dvādaśātmakaḥ ।
ēkādaśaṃ trayīmūrtirdvādaśaṃ sūrya ēva ca ॥ 3 ॥

dvādaśādityanāmāni prātaḥ kālē paṭhēnnaraḥ ।
duḥsvapnō naśyatē tasya sarvaduḥkhaṃ ca naśyati ॥ 4 ॥

dadrukuṣṭhaharaṃ caiva dāridryaṃ haratē dhruvam ।
sarvatīrthakaraṃ caiva sarvakāmaphalapradam ॥ 5 ॥

yaḥ paṭhēt prātarutthāya bhaktyā stōtramidaṃ naraḥ ।
saukhyamāyustathārōgyaṃ labhatē mōkṣamēva ca ॥ 6 ॥

iti śrī āditya dvādaśanāma stōtram ।