śāṃba uvāca
ādidēva namastubhyaṃ prasīda mama bhāskara ।
divākara namastubhyaṃ prabhākara namō'stutē ॥ 1 ॥

saptāśva ratha mārūḍhaṃ pracaṃḍaṃ kaśyapātmajam ।
śvēta padmadharaṃ dēvaṃ taṃ sūryaṃ praṇamāmyaham ॥ 2॥

lōhitaṃ rathamārūḍhaṃ sarva lōka pitāmaham ।
mahā pāpa haraṃ dēvaṃ taṃ sūryaṃ praṇamāmyaham ॥ 3॥

traiguṇyaṃ ca mahāśūraṃ brahma viṣṇu mahēśvaram ।
mahā pāpa haraṃ dēvaṃ taṃ sūryaṃ praṇamāmyaham ॥ 4 ॥

bṛṃhitaṃ tējasāṃ puṃjaṃ [tējapūjyaṃ ca] vāyu mākāśa mēva ca ।
prabhuṃ ca sarvalōkānāṃ taṃ sūryaṃ praṇamāmyaham ॥ 5 ॥

baṃdhūka puṣpasaṃkāśaṃ hāra kuṃḍala bhūṣitam ।
ēka cakradharaṃ dēvaṃ taṃ sūryaṃ praṇamāmyaham ॥ 6 ॥

viśvēśaṃ viśva kartāraṃ mahātējaḥ pradīpanam ।
mahā pāpa haraṃ dēvaṃ taṃ sūryaṃ praṇamāmyaham ॥ 7 ॥

taṃ sūryaṃ jagatāṃ nāthaṃ jñāna vijñāna mōkṣadam ।
mahā pāpa haraṃ dēvaṃ taṃ sūryaṃ praṇamāmyaham ॥ 8 ॥

phalaśṛti
sūryāṣṭakaṃ paṭhēnnityaṃ grahapīḍā praṇāśanam ।
aputrō labhatē putraṃ daridrō dhanavān bhavēt ॥

āmiṣaṃ madhupānaṃ ca yaḥ karōti ravērdhinē ।
sapta janma bhavēdrōgī janma karma daridratā ॥

strī taila madhu māṃsāni yē tyajaṃti ravērdinē ।
na vyādhi śōka dāridryaṃ sūryalōkaṃ sa gacchati ॥

iti śrī śivaprōktaṃ śrī sūryāṣṭakaṃ saṃpūrṇam ॥