śriyaḥ kāṃtāya kalyāṇanidhayē nidhayērthinām ।

śrīvēṃkaṭa nivāsāya śrīnivāsāya maṃgaḷam ॥ 1 ॥

lakṣmī savibhramālōka subhrū vibhrama cakṣuṣē ।

cakṣuṣē sarvalōkānāṃ vēṃkaṭēśāya maṃgaḷam ॥ 2 ॥

śrīvēṃkaṭādri śṛṃgāgra maṃgaḷābharaṇāṃghrayē ।

maṃgaḷānāṃ nivāsāya śrīnivāsāya maṃgaḷam ॥ 3 ॥

sarvāvayava sauṃdarya saṃpadā sarvacētasām ।

sadā sammōhanāyāstu vēṃkaṭēśāya maṃgaḷam ॥ 4 ॥

nityāya niravadyāya satyānaṃda cidātmanē ।

sarvāṃtarātmanē śrīmad-vēṃkaṭēśāya maṃgaḷam ॥ 5 ॥

svata ssarvavidē sarva śaktayē sarvaśēṣiṇē ।

sulabhāya suśīlāya vēṃkaṭēśāya maṃgaḷam ॥ 6 ॥

parasmai brahmaṇē pūrṇakāmāya paramātmanē ।

prayuṃjē paratattvāya vēṃkaṭēśāya maṃgaḷam ॥ 7 ॥

ākālatattva maśrāṃta mātmanā manupaśyatām ।

atṛptyamṛta rūpāya vēṃkaṭēśāya maṃgaḷam ॥ 8 ॥

prāyaḥ svacaraṇau puṃsāṃ śaraṇyatvēna pāṇinā ।

kṛpayādiśatē śrīmad-vēṃkaṭēśāya maṃgaḷam ॥ 9 ॥

dayāmṛta taraṃgiṇyā staraṃgairiva śītalaiḥ ।

apāṃgai ssiṃcatē viśvaṃ vēṃkaṭēśāya maṃgaḷam ॥ 10 ॥

srag-bhūṣāṃbara hētīnāṃ suṣamāvahamūrtayē ।

sarvārti śamanāyāstu vēṃkaṭēśāya maṃgaḷam ॥ 11 ॥

śrīvaikuṃṭha viraktāya svāmi puṣkariṇītaṭē ।

ramayā ramamāṇāya vēṃkaṭēśāya maṃgaḷam ॥ 12 ॥

śrīmat-suṃdarajā mātṛmuni mānasavāsinē ।

sarvalōka nivāsāya śrīnivāsāya maṃgaḷam ॥ 13 ॥

maṃgaḷā śāsanaparair-madācārya purōgamaiḥ ।

sarvaiśca pūrvairācāryaiḥ satkṛtāyāstu maṃgaḷam ॥ 14 ॥

śrī padmāvatī samēta śrī śrīnivāsa parabrahmaṇē namaḥ