īśānāṃ jagatōsya vēṃkaṭapatē rviṣṇōḥ parāṃ prēyasīṃ
tadvakṣaḥsthala nityavāsarasikāṃ tat-kṣāṃti saṃvardhinīm ।
padmālaṃkṛta pāṇipallavayugāṃ padmāsanasthāṃ śriyaṃ
vātsalyādi guṇōjjvalāṃ bhagavatīṃ vaṃdē jaganmātaram ॥
śrīman kṛpājalanidhē kṛtasarvalōka
sarvajña śakta natavatsala sarvaśēṣin ।
svāmin suśīla sula bhāśrita pārijāta
śrīvēṃkaṭēśacaraṇau śaraṇaṃ prapadyē ॥ 2 ॥
ānūpurārcita sujāta sugaṃdhi puṣpa
saurabhya saurabhakarau samasannivēśau ।
saumyau sadānubhanēpi navānubhāvyau
śrīvēṃkaṭēśa caraṇau śaraṇaṃ prapadyē ॥ 3 ॥
sadyōvikāsi samudittvara sāṃdrarāga
saurabhyanirbhara sarōruha sāmyavārtām ।
samyakṣu sāhasapadēṣu vilēkhayaṃtau
śrīvēṃkaṭēśa caraṇau śaraṇaṃ prapadyē ॥ 4 ॥
rēkhāmaya dhvaja sudhākalaśātapatra
vajrāṃkuśāṃburuha kalpaka śaṃkhacakraiḥ ।
bhavyairalaṃkṛtatalau paratattva cihnaiḥ
śrīvēṃkaṭēśa caraṇau śaraṇaṃ prapadyē ॥ 5 ॥
tāmrōdaradyuti parājita padmarāgau
bāhyair-mahōbhi rabhibhūta mahēṃdranīlau ।
udya nnakhāṃśubhi rudasta śaśāṃka bhāsau
śrīvēṃkaṭēśa caraṇau śaraṇaṃ prapadyē ॥ 6 ॥
sa prēmabhīti kamalākara pallavābhyāṃ
saṃvāhanē'pi sapadi klama mādhadhānau ।
kāṃtā navāṅmānasa gōcara saukumāryau
śrīvēṃkaṭēśa caraṇau śaraṇaṃ prapadyē ॥ 7 ॥
lakṣmī mahī tadanurūpa nijānubhāva
nīlādi divya mahiṣī karapallavānām ।
āruṇya saṃkramaṇataḥ kila sāṃdrarāgau
śrīvēṃkaṭēśa caraṇau śaraṇaṃ prapadyē ॥ 8 ॥
nityānamadvidhi śivādi kirīṭakōṭi
pratyupta dīpta navaratnamahaḥ prarōhaiḥ ।
nīrājanāvidhi mudāra mupādadhānau
śrīvēṃkaṭēśa caraṇau śaraṇaṃ prapadyē ॥ 9 ॥
viṣṇōḥ padē parama ityudita praśaṃsau
yau madhva utsa iti bhōgya tayāpyupāttau ।
bhūyastathēti tava pāṇitala pradiṣṭau
śrīvēṃkaṭēśa caraṇau śaraṇaṃ prapadyē ॥ 10 ॥
pārthāya tat-sadṛśa sāradhinā tvayaiva
yau darśitau svacaraṇau śaraṇaṃ vrajēti ।
bhūyō'pi mahya miha tau karadarśitau tē
śrīvēṃkaṭēśa caraṇau śaraṇaṃ prapadyē ॥ 11 ॥
manmūrthni kāḷiyaphanē vikaṭāṭavīṣu
śrīvēṃkaṭādri śikharē śirasi śrutīnām ।
cittēpyananya manasāṃ samamāhitau tē
śrīvēṃkaṭēśa caraṇau śaraṇaṃ prapadyē ॥ 12 ॥
amlāna hṛṣya davanītala kīrṇapuṣpau
śrīvēṃkaṭādri śikharābharaṇāya-mānau ।
ānaṃditākhila manō nayanau tavai tau
śrīvēṃkaṭēśa caraṇau śaraṇaṃ prapadyē ॥ 13 ॥
prāyaḥ prapanna janatā prathamāvagāhyau
mātuḥ stanāviva śiśō ramṛtāyamāṇau ।
prāptau paraspara tulā matulāṃtarau tē
śrīvēṃkaṭēśa caraṇau śaraṇaṃ prapadyē ॥ 14 ॥
sattvōttaraiḥ satata sēvyapadāṃbujēna
saṃsāra tāraka dayārdra dṛgaṃcalēna ।
saumyōpayaṃtṛ muninā mama darśitau tē
śrīvēṃkaṭēśa caraṇau śaraṇaṃ prapadyē ॥ 15 ॥
śrīśa śriyā ghaṭikayā tvadupāya bhāvē
prāpyētvayi svayamupēya tayā sphuraṃtyā ।
nityāśritāya niravadya guṇāya tubhyaṃ
syāṃ kiṃkarō vṛṣagirīśa na jātu mahyam ॥ 16 ॥
iti śrīvēṃkaṭēśa prapattiḥ