kamalākuca cūcuka kuṃkamatō

niyatāruṇi tātula nīlatanō ।

kamalāyata lōcana lōkapatē

vijayībhava vēṃkaṭa śailapatē ॥

sacaturmukha ṣaṇmukha paṃcamukha

pramukhā khiladaivata mauḷimaṇē ।

śaraṇāgata vatsala sāranidhē

paripālaya māṃ vṛṣa śailapatē ॥

ativēlatayā tava durviṣahai

ranu vēlakṛtai raparādhaśataiḥ ।

bharitaṃ tvaritaṃ vṛṣa śailapatē

parayā kṛpayā paripāhi harē ॥

adhi vēṃkaṭa śaila mudāramatē-

rjanatābhi matādhika dānaratāt ।

paradēvatayā gaditānigamaiḥ

kamalādayitānna paraṃkalayē ॥

kala vēṇura vāvaśa gōpavadhū

śata kōṭi vṛtātsmara kōṭi samāt ।

prati pallavikābhi matāt-sukhadāt

vasudēva sutānna paraṃkalayē ॥

abhirāma guṇākara dāśaradhē

jagadēka dhanurthara dhīramatē ।

raghunāyaka rāma ramēśa vibhō

varadō bhava dēva dayā jaladhē ॥

avanī tanayā kamanīya karaṃ

rajanīkara cāru mukhāṃburuham ।

rajanīcara rājata mōmi hiraṃ

mahanīya mahaṃ raghurāmamayē ॥

sumukhaṃ suhṛdaṃ sulabhaṃ sukhadaṃ

svanujaṃ ca sukāyama mōghaśaram ।

apahāya raghūdvaya manyamahaṃ

na kathaṃcana kaṃcana jātubhajē ॥

vinā vēṃkaṭēśaṃ na nāthō na nāthaḥ

sadā vēṃkaṭēśaṃ smarāmi smarāmi ।

harē vēṃkaṭēśa prasīda prasīda

priyaṃ vēṃkaṭeśa prayaccha prayaccha ॥

ahaṃ dūradastē padāṃ bhōjayugma

praṇāmēcchayā gatya sēvāṃ karōmi ।

sakṛtsēvayā nitya sēvāphalaṃ tvaṃ

prayaccha payaccha prabhō vēṃkaṭēśa ॥

ajñāninā mayā dōṣā na śēṣānvihitān harē ।

kṣamasva tvaṃ kṣamasva tvaṃ śēṣaśaila śikhāmaṇē ॥