kausalyā suprajā rāma pūrvāsaṃdhyā pravartatē ।
uttiṣṭha naraśārdūla kartavyaṃ daivamāhnikam ॥ 1 ॥
uttiṣṭhōttiṣṭha gōviṃda uttiṣṭha garuḍadhvaja ।
uttiṣṭha kamalākāṃta trailōkyaṃ maṃgaḷaṃ kuru ॥ 2 ॥
mātassamasta jagatāṃ madhukaiṭabhārēḥ
vakṣōvihāriṇi manōhara divyamūrtē ।
śrīsvāmini śritajanapriya dānaśīlē
śrī vēṃkaṭēśa dayitē tava suprabhātam ॥ 3 ॥
tava suprabhātamaraviṃda lōcanē
bhavatu prasannamukha caṃdramaṃḍalē ।
vidhi śaṃkarēṃdra vanitābhirarcitē
vṛśa śailanātha dayitē dayānidhē ॥ 4 ॥
atryādi sapta ṛṣayassamupāsya saṃdhyāṃ
ākāśa siṃdhu kamalāni manōharāṇi ।
ādāya pādayuga marcayituṃ prapannāḥ
śēṣādri śēkhara vibhō tava suprabhātam ॥ 5 ॥
paṃcānanābja bhava ṣaṇmukha vāsavādyāḥ
traivikramādi caritaṃ vibudhāḥ stuvaṃti ।
bhāṣāpatiḥ paṭhati vāsara śuddhi mārāt
śēṣādri śēkhara vibhō tava suprabhātam ॥ 6 ॥
īśat-praphulla sarasīruha nārikēḷa
pūgadrumādi sumanōhara pālikānām ।
āvāti maṃdamanilaḥ sahadivya gaṃdhaiḥ
śēṣādri śēkhara vibhō tava suprabhātam ॥ 7 ॥
unmīlyanētra yugamuttama paṃjarasthāḥ
pātrāvasiṣṭa kadalī phala pāyasāni ।
bhuktvāḥ salīla mathakēḷi śukāḥ paṭhaṃti
śēṣādri śēkhara vibhō tava suprabhātam ॥ 8 ॥
taṃtrī prakarṣa madhura svanayā vipaṃcyā
gāyatyanaṃta caritaṃ tava nāradō'pi ।
bhāṣā samagra masat-kṛtacāru ramyaṃ
śēṣādri śēkhara vibhō tava suprabhātam ॥ 9 ॥
bhṛṃgāvaḷī ca makaraṃda rasānu viddha
jhuṃkāragīta ninadaiḥ sahasēvanāya ।
niryātyupāṃta sarasī kamalōdarēbhyaḥ
śēṣādri śēkhara vibhō tava suprabhātam ॥ 10 ॥
yōṣāgaṇēna varadadhni vimathyamānē
ghōṣālayēṣu dadhimaṃthana tīvraghōṣāḥ ।
rōṣātkaliṃ vidadhatē kakubhaśca kuṃbhāḥ
śēṣādri śēkhara vibhō tava suprabhātam ॥ 11 ॥
padmēśamitra śatapatra gatāḷivargāḥ
hartuṃ śriyaṃ kuvalayasya nijāṃgalakṣmyāḥ ।
bhērī ninādamiva bhibhrati tīvranādaṃ
śēṣādri śēkhara vibhō tava suprabhātam ॥ 12 ॥
śrīmannabhīṣṭa varadākhila lōka baṃdhō
śrī śrīnivāsa jagadēka dayaika siṃdhō ।
śrī dēvatā gṛha bhujāṃtara divyamūrtē
śrī vēṃkaṭācalapatē tava suprabhātam ॥ 13 ॥
śrī svāmi puṣkariṇikāplava nirmalāṃgāḥ
śrēyārthinō haraviriṃci sanaṃdanādyāḥ ।
dvārē vasaṃti varanētra hatōtta māṃgāḥ
śrī vēṃkaṭācalapatē tava suprabhātam ॥ 14 ॥
śrī śēṣaśaila garuḍācala vēṃkaṭādri
nārāyaṇādri vṛṣabhādri vṛṣādri mukhyām ।
ākhyāṃ tvadīya vasatē raniśaṃ vadaṃti
śrī vēṃkaṭācalapatē tava suprabhātam ॥ 15 ॥
sēvāparāḥ śiva surēśa kṛśānudharma
rakṣōṃbunātha pavamāna dhanādhi nāthāḥ ।
baddhāṃjali pravilasannija śīrṣadēśāḥ
śrī vēṃkaṭācalapatē tava suprabhātam ॥ 16 ॥
dhāṭīṣu tē vihagarāja mṛgādhirāja
nāgādhirāja gajarāja hayādhirājāḥ ।
svasvādhikāra mahimādhika marthayaṃtē
śrī vēṃkaṭācalapatē tava suprabhātam ॥ 17 ॥
sūryēṃdu bhauma budhavākpati kāvyaśauri
svarbhānukētu diviśat-pariśat-pradhānāḥ ।
tvaddāsadāsa caramāvadhi dāsadāsāḥ
śrī vēṃkaṭācalapatē tava suprabhātam ॥ 18 ॥
tat-pādadhūḷi bharita sphuritōttamāṃgāḥ
svargāpavarga nirapēkṣa nijāṃtaraṃgāḥ ।
kalpāgamā kalanayā''kulatāṃ labhaṃtē
śrī vēṃkaṭācalapatē tava suprabhātam ॥ 19 ॥
tvadgōpurāgra śikharāṇi nirīkṣamāṇāḥ
svargāpavarga padavīṃ paramāṃ śrayaṃtaḥ ।
martyā manuṣya bhuvanē matimāśrayaṃtē
śrī vēṃkaṭācalapatē tava suprabhātam ॥ 20 ॥
śrī bhūmināyaka dayādi guṇāmṛtābdē
dēvādidēva jagadēka śaraṇyamūrtē ।
śrīmannanaṃta garuḍādibhi rarcitāṃghrē
śrī vēṃkaṭācalapatē tava suprabhātam ॥ 21 ॥
śrī padmanābha puruṣōttama vāsudēva
vaikuṃṭha mādhava janārdhana cakrapāṇē ।
śrī vatsa cihna śaraṇāgata pārijāta
śrī vēṃkaṭācalapatē tava suprabhātam ॥ 22 ॥
kaṃdarpa darpa hara suṃdara divya mūrtē
kāṃtā kucāṃburuha kuṭmala lōladṛṣṭē ।
kalyāṇa nirmala guṇākara divyakīrtē
śrī vēṃkaṭācalapatē tava suprabhātam ॥ 23 ॥
mīnākṛtē kamaṭhakōla nṛsiṃha varṇin
svāmin paraśvatha tapōdhana rāmacaṃdra ।
śēṣāṃśarāma yadunaṃdana kalkirūpa
śrī vēṃkaṭācalapatē tava suprabhātam ॥ 24 ॥
ēlālavaṃga ghanasāra sugaṃdhi tīrthaṃ
divyaṃ viyatsariti hēmaghaṭēṣu pūrṇam ।
dhṛtvādya vaidika śikhāmaṇayaḥ prahṛṣṭāḥ
tiṣṭhaṃti vēṃkaṭapatē tava suprabhātam ॥ 25 ॥
bhāsvānudēti vikacāni sarōruhāṇi
saṃpūrayaṃti ninadaiḥ kakubhō vihaṃgāḥ ।
śrīvaiṣṇavāḥ satata marthita maṃgaḷāstē
dhāmāśrayaṃti tava vēṃkaṭa suprabhātam ॥ 26 ॥
brahmādaya-ssuravarā-ssamaharṣayastē
saṃtassanaṃdana-mukhāstvatha yōgivaryāḥ ।
dhāmāṃtikē tava hi maṃgaḷavastuhastāḥ
śrī vēṃkaṭācalapatē tava suprabhātam ॥ 27 ॥
lakśmīnivāsa niravadya guṇaika siṃdhō
saṃsārasāgara samuttaraṇaika sētō ।
vēdāṃta vēdya nijavaibhava bhakta bhōgya
śrī vēṃkaṭācalapatē tava suprabhātam ॥ 28 ॥
itthaṃ vṛṣācalapatēriha suprabhātaṃ
yē mānavāḥ pratidinaṃ paṭhituṃ pravṛttāḥ ।
tēṣāṃ prabhāta samayē smṛtiraṃgabhājāṃ
prajñāṃ parārtha sulabhāṃ paramāṃ prasūtē ॥ 29 ॥