nārāyaṇaṃ parabrahma sarva kāraṇa kāraṇam ।

prapadyē vēṃkaṭēśākhyaṃ tadēva kavacaṃ mama ॥ 1 ॥

sahasra-śīrṣā puruṣō vēṃkaṭēśaśśirō'vatu ।

prāṇēśaḥ prāṇa nilayaḥ prāṇān rakṣatu mē hariḥ ॥ 2 ॥

ākāśarāṭsutānātha ātmānaṃ mē sadāvatu ।

dēvadēvōttamō pāyāddēhaṃ mē vēṃkaṭēśvaraḥ ॥ 3 ॥

sarvatra sarvakālēṣu maṃgāṃbājānirīśvaraḥ ।

pālayēnmāṃ sadā karmasāphalyaṃ naḥ prayacchatu ॥ 4 ॥

ya ētadvajrakavacamabhēdyaṃ vēṃkaṭēśituḥ ।

sāyaṃ prātaḥ paṭhēnnityaṃ mṛtyuṃ tarati nirbhayaḥ ॥ 5 ॥

iti mārkaṃḍēya-kṛtaṃ śrī vēṃkaṭēśvara vajrakavaca-stōtraṃ saṃpūrṇam ॥