॥ bālakāṃḍaḥ ॥

śuddhabrahmaparātpara rāma ।
kālātmakaparamēśvara rāma ।
śēṣatalpasukhanidrita rāma ।
brahmādyamaraprārthita rāma ।
caṃḍakiraṇakulamaṃḍana rāma ।
śrīmaddaśarathanaṃdana rāma ।
kausalyāsukhavardhana rāma ।
viśvāmitrapriyadhana rāma ।
ghōratāṭakāghātaka rāma ।
mārīcādinipātaka rāma । 10 ।
kauśikamakhasaṃrakṣaka rāma ।
śrīmadahalyōddhāraka rāma ।
gautamamunisaṃpūjita rāma ।
suramunivaragaṇasaṃstuta rāma ।
nāvikadhāvikamṛdupada rāma ।
mithilāpurajanamōhaka rāma ।
vidēhamānasaraṃjaka rāma ।
tryaṃbakakārmukhabhaṃjaka rāma ।
sītārpitavaramālika rāma ।
kṛtavaivāhikakautuka rāma । 20 ।
bhārgavadarpavināśaka rāma ।
śrīmadayōdhyāpālaka rāma ॥

rāma rāma jaya rājā rāma ।
rāma rāma jaya sītā rāma ॥

॥ ayōdhyākāṃḍaḥ ॥

agaṇitaguṇagaṇabhūṣita rāma ।
avanītanayākāmita rāma ।
rākācaṃdrasamānana rāma ।
pitṛvākyāśritakānana rāma ।
priyaguhavinivēditapada rāma ।
tatkṣālitanijamṛdupada rāma ।
bharadvājamukhānaṃdaka rāma ।
citrakūṭādrinikētana rāma । 30 ।
daśarathasaṃtataciṃtita rāma ।
kaikēyītanayārpita rāma । (tanayārthita)
viracitanijapitṛkarmaka rāma ।
bharatārpitanijapāduka rāma ॥

rāma rāma jaya rājā rāma ।
rāma rāma jaya sītā rāma ॥

॥ araṇyakāṃḍaḥ ॥

daṃḍakāvanajanapāvana rāma ।
duṣṭavirādhavināśana rāma ।
śarabhaṃgasutīkṣṇārcita rāma ।
agastyānugrahavardita rāma ।
gṛdhrādhipasaṃsēvita rāma ।
paṃcavaṭītaṭasusthita rāma । 40 ।
śūrpaṇakhārttividhāyaka rāma ।
kharadūṣaṇamukhasūdaka rāma ।
sītāpriyahariṇānuga rāma ।
mārīcārtikṛtāśuga rāma ।
vinaṣṭasītānvēṣaka rāma ।
gṛdhrādhipagatidāyaka rāma ।
śabarīdattaphalāśana rāma ।
kabaṃdhabāhucchēdana rāma ॥

rāma rāma jaya rājā rāma ।
rāma rāma jaya sītā rāma ॥

॥ kiṣkiṃdhākāṃḍaḥ ॥

hanumatsēvitanijapada rāma ।
natasugrīvābhīṣṭada rāma । 50 ।
garvitavālisaṃhāraka rāma ।
vānaradūtaprēṣaka rāma ।
hitakaralakṣmaṇasaṃyuta rāma ।
rāma rāma jaya rājā rāma ।
rāma rāma jaya sītā rāma ।

॥ suṃdarakāṃḍaḥ ॥

kapivarasaṃtatasaṃsmṛta rāma ।
tadgativighnadhvaṃsaka rāma ।
sītāprāṇādhāraka rāma ।
duṣṭadaśānanadūṣita rāma ।
śiṣṭahanūmadbhūṣita rāma ।
sītāvēditakākāvana rāma ।
kṛtacūḍāmaṇidarśana rāma । 60 ।
kapivaravacanāśvāsita rāma ॥

rāma rāma jaya rājā rāma ।
rāma rāma jaya sītā rāma ॥

॥ yuddhakāṃḍaḥ ॥

rāvaṇanidhanaprasthita rāma ।
vānarasainyasamāvṛta rāma ।
śōṣitaśaradīśārttita rāma ।
vibhīṣṇābhayadāyaka rāma ।
parvatasētunibaṃdhaka rāma ।
kuṃbhakarṇaśiraśchēdaka rāma ।
rākṣasasaṃghavimardhaka rāma ।
ahimahirāvaṇacāraṇa rāma ।
saṃhṛtadaśamukharāvaṇa rāma । 70 ।
vidhibhavamukhasurasaṃstuta rāma ।
khaḥsthitadaśarathavīkṣita rāma ।
sītādarśanamōdita rāma ।
abhiṣiktavibhīṣaṇanuta rāma । (nata)
puṣpakayānārōhaṇa rāma ।
bharadvājādiniṣēvaṇa rāma ।
bharataprāṇapriyakara rāma ।
sākētapurībhūṣaṇa rāma ।
sakalasvīyasamānata rāma ।
ratnalasatpīṭhāsthita rāma । 80 ।
paṭṭābhiṣēkālaṃkṛta rāma ।
pārthivakulasammānita rāma ।
vibhīṣaṇārpitaraṃgaka rāma ।
kīśakulānugrahakara rāma ।
sakalajīvasaṃrakṣaka rāma ।
samastalōkōddhāraka rāma ॥ (lōkādhāraka)
rāma rāma jaya rājā rāma ।
rāma rāma jaya sītā rāma ॥

॥ uttarakāṃḍaḥ ॥

āgata munigaṇa saṃstuta rāma ।
viśrutadaśakaṃṭhōdbhava rāma ।
sītāliṃgananirvṛta rāma ।
nītisurakṣitajanapada rāma । 90 ।
vipinatyājitajanakaja rāma ।
kāritalavaṇāsuravadha rāma ।
svargataśaṃbuka saṃstuta rāma ।
svatanayakuśalavanaṃdita rāma ।
aśvamēdhakratudīkṣita rāma ।
kālāvēditasurapada rāma ।
āyōdhyakajanamuktita rāma ।
vidhimukhavibhudānaṃdaka rāma ।
tējōmayanijarūpaka rāma ।
saṃsṛtibaṃdhavimōcaka rāma । 100 ।
dharmasthāpanatatpara rāma ।
bhaktiparāyaṇamuktida rāma ।
sarvacarācarapālaka rāma ।
sarvabhavāmayavāraka rāma ।
vaikuṃṭhālayasaṃsthita rāma ।
nityānaṃdapadasthita rāma ॥

rāma rāma jaya rājā rāma ॥
rāma rāma jaya sītā rāma ॥ 108 ॥

iti śrī lakṣmaṇācārya viracitaṃ nāmarāmāyaṇaṃ saṃpūrṇam ।