ஸ்ரீ ருத்ரம் - நமகம்

ஓஂ நமோ பகவதே ருத்ராய ॥
நமஸ்தே ருத்ர மந்யவ உதோத இஷவே நமஃ ।
நமஸ்தே அஸ்து தந்வநே பாஹுப்யாமுத தே நமஃ ॥
யா த இஷுஃ ஶிவதமா ஶிவஂ பபூவ தே தநுஃ ।
ஶிவா ஶரவ்யா யா தவ தயா நோ ருத்ர ம௃டய ।
யா தே ருத்ர ஶிவா தநூரகோராऽபாபகாஶிநீ ।
தயா நஸ்தநுவா ஶஂதமயா கிரிஶஂதாபிசாகஶீஹி ॥
யாமிஷுஂ கிரிஶஂத ஹஸ்தே பிபர்ஷ்யஸ்தவே ।
ஶிவாஂ கிரித்ர தாஂ குரு மா ஹிக்ஂஸீஃ புருஷஂ ஜகத்॥
ஶிவேந வசஸா த்வா கிரிஶாச்சா வதாமஸி ।
யதா நஃ ஸர்வமிஜ்ஜகதயக்ஷ்மக்ஂ ஸுமநா அஸத் ॥
அத்யவோசததிவக்தா ப்ரதமோ தைவ்யோ பிஷக் ।
அஹீக்ஶ்ச ஸர்வாஂ᳚ஜஂபயந்-த்ஸர்வா᳚ஶ்ச யாதுதாந்யஃ ॥
அஸௌ யஸ்தாம்ரோ அருண உத பப்ருஸ்ஸுமஂகலஃ ।
யே சேமாக்ஂ ருத்ரா அபிதோ திக்ஷு ஶ்ரிதாஃ ஸஹஸ்ரஶோऽவைஷாக்ஂ ஹேட ஈமஹே ॥
அஸௌ யோऽவஸர்பதி நீலக்ரீவோ விலோஹிதஃ ।
உதைநஂ கோபா அத௃ஶந்நத௃ஶந்நுதஹார்யஃ ।
உதைநஂ-விఀஶ்வா பூதாநி ஸ த௃ஷ்டோ ம௃டயாதி நஃ ॥
நமோ அஸ்து நீலக்ரீவாய ஸஹஸ்ராக்ஷாய மீடுஷே᳚ ।
அதோ யே அஸ்ய ஸத்வாநோऽஹஂ தேப்யோऽகரந்நமஃ ॥
ப்ரமுஂச தந்வநஸ்த்வமுபயோரார்த்நி யோர்ஜ்யாம் ।
யாஶ்ச தே ஹஸ்த இஷவஃ பரா தா பகவோ வப ॥
அவதத்ய தநுஸ்த்வக்ஂ ஸஹஸ்ராக்ஷ ஶதேஷுதே ।
நி॒ஶீர்ய॑ ஶ॒ல்யாநாஂ॒ முகா॑ ஶி॒வோ நஃ॑ ஸு॒மநா॑ பவ ॥
விஜ்யஂ தநுஃ கபர்திநோ விஶல்யோ பாணவாக்ஂ உத ।
அநே॑ஶந்ந॒ஸ்யேஷ॑வ ஆ॒புர॑ஸ்ய நிஷஂ॒கதிஃ॑ ॥
யா தே ஹேதிர்மீடுஷ்டம ஹஸ்தே பபூவ தே தநுஃ ।
தயாऽஸ்மாந், விஶ்வதஸ்த்வமயக்ஷ்மயா பரிப்புஜ ॥
நமஸ்தே அஸ்த்வாயுதாயாநாததாய த௃ஷ்ணவே᳚ ।
உபாப்யாமுத தே நமோ பாஹுப்யாஂ தவ தந்வநே ॥
பரி தே தந்வநோ ஹேதிரஸ்மாந் வ௃ணக்து விஶ்வதஃ ।
அதோ ய இஷுதிஸ்தவாரே அஸ்மந்நிதேஹி தம் ॥ 1 ॥

ஸ்ரீ ஶஂப॑வே॒ நமஃ॑ ॥

நமஸ்தே அஸ்து பகவந்-விஶ்வேஶ்வராய மஹாதேவாய த்ர்யஂபகாய த்ரிபுராஂதகாய
த்ரிகாக்நிகாலாய காலாக்நிருத்ராய நீலகஂடாய ம௃த்யுஂஜயாய
ஸர்வேஶ்வராய ஸதாஶிவாய [ஶஂகராய] ஸ்ரீமந்-மஹாதேவாய நமஃ ।

நமோ ஹிரண்ய பாஹவே ஸேநாந்யே திஶாஂ ச பதயே நமோ
நமோ வ௃க்ஷேப்யோ ஹரிகேஶேப்யஃ பஶூநாஂ பதயே நமோ
நமஃ ஸஸ்பிஂஜராய த்விஷீமதே பதீநாஂ பதயே நமோ
நமோ பப்லுஶாய விவ்யாதிநேऽந்நாநாஂ பதயே நமோ
நமோ ஹரிகேஶாயோபவீதிநே புஷ்டாநாஂ பதயே நமோ
நமோ பவஸ்ய ஹேத்யை ஜகதாஂ பதயே நமோ
நமோ ருத்ராயாததாவிநே க்ஷேத்ராணாஂ பதயே நமோ
நமஸ்ஸூதாயாஹஂத்யாய வநாநாஂ பதயே நமோ
நமோ ரோஹிதாய ஸ்தபதயே வ௃க்ஷாணாஂ பதயே நமோ
நமோ மஂத்ரிணே வாணிஜாய கக்ஷாணாஂ பதயே நமோ
நமோ புவஂதயே வாரிவஸ்க௃தா-யௌஷதீநாஂ பதயே நமோ
நம உச்சைர்கோஷாயாக்ரஂதயதே பத்தீநாஂ பதயே நமோ
நமஃ க௃த்ஸ்நவீதாய தாவதே ஸத்த்வநாஂ பதயே நமஃ ॥ 2 ॥

நமஃ ஸஹமாநாய நிவ்யாதிந ஆவ்யாதிநீநாஂ பதயே நமோ
நமஃ ககுபாய நிஷஂகிணே᳚ ஸ்தேநாநாஂ பதயே நமோ
நமோ நிஷஂகிண இஷுதிமதே தஸ்கராணாஂ பதயே நமோ
நமோ வஂசதே பரிவஂசதே ஸ்தாயூநாஂ பதயே நமோ
நமோ நிசேரவே பரிசராயாரண்யாநாஂ பதயே நமோ
நமஃ ஸ௃காவிப்யோ ஜிகாக்ஂஸத்ப்யோ முஷ்ணதாஂ பதயே நமோ
நமோऽஸிமத்ப்யோ நக்தஂசரத்ப்யஃ ப்ரக௃ஂதாநாஂ பதயே நமோ
நம உஷ்ணீஷிணே கிரிசராய குலுஂசாநாஂ பதயே நமோ
நம॒ இஷு॑மத்ப்யோ தந்வா॒விப்ய॑ஶ்ச வோ॒ நமோ॒
நம ஆதந்-வாநேப்யஃ ப்ரதிததாநேப்யஶ்ச வோ நமோ
நம॑ ஆ॒யச்ச॑த்ப்யோ விஸ௃॒ஜத்ப்ய॑ஶ்ச வோ॒ நமோ॒
நமோऽஸ்ய॑த்ப்யோ॒ வித்ய॑த்ப்யஶ்ச வோ॒ நமோ॒
நம॒ ஆஸீ॑நேப்யஃ॒ ஶயா॑நேப்யஶ்ச வோ॒ நமோ॒
நமஃ॑ ஸ்வ॒பத்ப்யோ॒ ஜாக்ர॑த்ப்யஶ்ச வோ॒ நமோ॒
நமஸ்திஷ்டத்ப்யோ தாவத்ப்யஶ்ச வோ நமோ
நமஃ ஸபாப்யஃ ஸபாபதிப்யஶ்ச வோ நமோ
நமோ அஶ்வேப்யோऽஶ்வபதிப்யஶ்ச வோ நமஃ ॥ 3 ॥

நம ஆவ்யாதிநீ᳚ப்யோ விவித்யஂதீப்யஶ்ச வோ நமோ
நம உகணாப்யஸ்த௃க்ஂ-ஹதீப்யஶ்ச வோ நமோ
நமோ க௃த்ஸேப்யோ க௃த்ஸபதிப்யஶ்ச வோ நமோ
நமோ வ்ராதே᳚ப்யோ வ்ராதபதிப்யஶ்ச வோ நமோ
நமோ கணேப்யோ கணபதிப்யஶ்ச வோ நமோ
நமோ॒ விரூ॑பேப்யோ வி॒ஶ்வரூ॑பேப்யஶ்ச வோ॒ நமோ॒
நமோ॑ மஹ॒த்ப்யஃ॑, க்ஷுல்ல॒கேப்ய॑ஶ்ச வோ॒ நமோ॒
நமோ॑ ர॒திப்யோ॑ऽர॒தேப்ய॑ஶ்ச வோ॒ நமோ॒
நமோ ரதே᳚ப்யோ ரதபதிப்யஶ்ச வோ நமோ
நமஃ॒ ஸேநா᳚ப்யஃ ஸேநா॒நிப்ய॑ஶ்ச வோ॒ நமோ॒
நமஃ, க்ஷத்த௃ப்யஃ ஸஂக்ரஹீத௃ப்யஶ்ச வோ நமோ
நமஸ்தக்ஷப்யோ ரதகாரேப்யஶ்ச வோ நமோ
நமஃ॒ குலா॑லேப்யஃ க॒ர்மாரே᳚ப்யஶ்ச வோ॒ நமோ॒
நமஃ॑ புஂ॒ஜிஷ்டே᳚ப்யோ நிஷா॒தேப்ய॑ஶ்ச வோ॒ நமோ॒
நம॑ இஷு॒க௃த்ப்யோ॑ தந்வ॒க௃த்ப்ய॑ஶ்ச வோ॒ நமோ॒
நமோ॑ ம௃க॒யுப்யஃ॑ ஶ்வ॒நிப்ய॑ஶ்ச வோ॒ நமோ॒
நம-ஶ்ஶ்வப்ய-ஶ்ஶ்வபதிப்யஶ்ச வோ நமஃ ॥ 4 ॥

நமோ॑ ப॒வாய॑ ச ரு॒த்ராய॑ ச॒
நமஃ ஶர்வாய ச பஶுபதயே ச
நமோ நீலக்ரீவாய ச ஶிதிகஂடாய ச
நமஃ கபர்திநே ச வ்யுப்தகேஶாய ச
நமஃ ஸஹஸ்ராக்ஷாய ச ஶததந்வநே ச
நமோ॑ கிரி॒ஶாய॑ ச ஶிபிவி॒ஷ்டாய॑ ச॒
நமோ மீடுஷ்டமாய சேஷுமதே ச
நமோ᳚ ஹ்ர॒ஸ்வாய॑ ச வாம॒நாய॑ ச॒
நமோ ப௃ஹதே ச வர்ஷீயஸே ச
நமோ॑ வ௃॒த்தாய॑ ச ஸஂ॒​வ௃ఀத்வ॑நே ச॒
நமோ॒ அக்ரி॑யாய ச ப்ரத॒மாய॑ ச॒
நம॑ ஆ॒ஶவே॑ சாஜி॒ராய॑ ச॒
நமஃ॒ ஶீக்ரி॑யாய ச॒ ஶீப்யா॑ய ச॒
நம॑ ஊ॒ர்ம்யா॑ய சாவஸ்வ॒ந்யா॑ய ச॒
நமஃ ஸ்ரோதஸ்யாய ச த்வீப்யாய ச ॥ 5 ॥

நமோ᳚ ஜ்யே॒ஷ்டாய॑ ச கநி॒ஷ்டாய॑ ச॒
நமஃ॑ பூர்வ॒ஜாய॑ சாபர॒ஜாய॑ ச॒
நமோ॑ மத்ய॒மாய॑ சாபக॒ல்பாய॑ ச॒
நமோ॑ ஜக॒ந்யா॑ய ச॒ புத்நி॑யாய ச॒
நமஃ ஸோப்யாய ச ப்ரதிஸர்யாய ச
நமோ॒ யாம்யா॑ய ச॒ க்ஷேம்யா॑ய ச॒
நம॑ உர்வ॒ர்யா॑ய ச॒ கல்யா॑ய ச॒
நமஃ॒ ஶ்லோக்யா॑ய சாऽவஸா॒ந்யா॑ய ச॒
நமோ॒ வந்யா॑ய ச॒ கக்ஷ்யா॑ய ச॒
நமஃ ஶ்ரவாய ச ப்ரதிஶ்ரவாய ச
நம॑ ஆ॒ஶுஷே॑ணாய சா॒ஶுர॑தாய ச॒
நமஃ ஶூராய சாவபிஂததே ச
நமோ॑ வ॒ர்மிணே॑ ச வரூ॒திநே॑ ச॒
நமோ॑ பி॒ல்மிநே॑ ச கவ॒சிநே॑ ச॒
நமஃ ஶ்ருதாய ச ஶ்ருதஸேநாய ச ॥ 6 ॥

நமோ॑ துஂது॒ப்யா॑ய சாஹந॒ந்யா॑ய ச॒
நமோ॑ த௃॒ஷ்ணவே॑ ச ப்ரம௃॒ஶாய॑ ச॒
நமோ தூதாய ச ப்ரஹிதாய ச
நமோ நிஷஂகிணே சேஷுதிமதே ச
நமஸ்தீக்ஷ்ணேஷவே சாயுதிநே ச
நமஃ॑ ஸ்வாயு॒தாய॑ ச ஸு॒தந்வ॑நே ச॒
நமஃ ஸ்ருத்யாய ச பத்யாய ச
நமஃ॑ கா॒ட்யா॑ய ச நீ॒ப்யா॑ய ச॒
நமஃ॒ ஸூத்யா॑ய ச ஸர॒ஸ்யா॑ய ச॒
நமோ நாத்யாய ச வைஶஂதாய ச
நமஃ॒ கூப்யா॑ய சாவ॒ட்யா॑ய ச॒
நமோ॒ வர்​ஷ்யா॑ய சாவ॒ர்​ஷ்யாய॑ ச॒
நமோ மேக்யாய ச வித்யுத்யாய ச
நம ஈத்ரியாய சாதப்யாய ச
நமோ வாத்யாய ச ரேஷ்மியாய ச
நமோ வாஸ்தவ்யாய ச வாஸ்துபாய ச ॥ 7 ॥

நமஃ॒ ஸோமா॑ய ச ரு॒த்ராய॑ ச॒
நமஸ்தாம்ராய சாருணாய ச
நமஃ ஶஂகாய ச பஶுபதயே ச
நம॑ உ॒க்ராய॑ ச பீ॒மாய॑ ச॒
நமோ॑ அக்ரேவ॒தாய॑ ச தூரேவ॒தாய॑ ச॒
நமோ ஹஂத்ரே ச ஹநீயஸே ச
நமோ॑ வ௃॒க்ஷேப்யோ॒ ஹரி॑கேஶேப்யோ॒ நமஸ்தாராய
நம॑ஶ்ஶஂ॒பவே॑ ச மயோ॒பவே॑ ச॒
நமஃ॑ ஶஂக॒ராய॑ ச மயஸ்க॒ராய॑ ச॒
நமஃ ஶிவாய ச ஶிவதராய ச
நமஸ்தீர்த்யாய ச கூல்யாய ச
நமஃ॑ பா॒ர்யா॑ய சாவா॒ர்யா॑ய ச॒
நமஃ ப்ரதரணாய சோத்தரணாய ச
நம ஆதார்யாய சாலாத்யாய ச
நமஃ॒ ஶஷ்ப்யா॑ய ச॒ பேந்யா॑ய ச॒
நமஃ ஸிகத்யாய ச ப்ரவாஹ்யாய ச ॥ 8 ॥

நம॑ இரி॒ண்யா॑ய ச ப்ரப॒த்யா॑ய ச॒
நமஃ॑ கிக்ஂஶி॒லாய॑ ச॒ க்ஷய॑ணாய ச॒
நமஃ கபர்திநே ச புலஸ்தயே ச
நமோ॒ கோஷ்ட்யா॑ய ச॒ க௃ஹ்யா॑ய ச॒
நமஸ்தல்ப்யாய ச கேஹ்யாய ச
நமஃ॑ கா॒ட்யா॑ய ச கஹ்வரே॒ஷ்டாய॑ ச॒
நமோ᳚ ஹ்ரத॒ய்யா॑ய ச நிவே॒ஷ்ப்யா॑ய ச॒
நமஃ॑ பாக்ஂ ஸ॒வ்யா॑ய ச ரஜ॒ஸ்யா॑ய ச॒
நமஃ ஶுஷ்க்யாய ச ஹரித்யாய ச
நமோ॒ லோப்யா॑ய சோல॒ப்யா॑ய ச॒
நம॑ ஊ॒ர்வ்யா॑ய ச ஸூ॒ர்ம்யா॑ய ச॒
நமஃ॑ ப॒ர்ண்யா॑ய ச பர்ணஶ॒த்யா॑ய ச॒
நமோऽபகுரமாணாய சாபிக்நதே ச
நம ஆக்கிததே ச ப்ரக்கிததே ச
நமோ॑ வஃ கிரி॒கேப்யோ॑ தே॒வாநா॒க்ஂ॒ ஹ௃த॑யேப்யோ॒
நமோ விக்ஷீணகேப்யோ நமோ விசிந்வத்கேப்யோ
நம ஆநிர் ஹதேப்யோ நம ஆமீவத்கேப்யஃ ॥ 9 ॥

த்ராபே அஂதஸஸ்பதே தரித்ரந்நீலலோஹித ।
ஏஷாஂ புருஷாணாமேஷாஂ பஶூநாஂ மா பேர்மாऽரோ மோ ஏஷாஂ கிஂசநாமமத் ।
யா தே ருத்ர ஶிவா தநூஃ ஶிவா விஶ்வாஹபேஷஜீ ।
ஶிவா ருத்ரஸ்ய பேஷஜீ தயா நோ ம௃ட ஜீவஸே᳚ ॥
இமாக்ஂ ருத்ராய தவஸே கபர்திநே᳚ க்ஷயத்வீராய ப்ரபராமஹே மதிம் ।
யதா நஶ்ஶமஸத்த்விபதே சதுஷ்பதே விஶ்வஂ புஷ்டஂ க்ராமே அஸ்மிந்நநாதுரம் ।
ம௃டா நோ ருத்ரோத நோ மயஸ்க௃தி க்ஷயத்வீராய நமஸா விதேம தே ।
யச்சஂ ச யோஶ்ச மநுராயஜே பிதா ததஶ்யாம தவ ருத்ர ப்ரணீதௌ ।
மா நோ மஹாஂதமுத மா நோ அர்பகஂ மா ந உக்ஷஂதமுத மா ந உக்ஷிதம் ।
மா நோऽவதீஃ பிதரஂ மோத மாதரஂ ப்ரியா மா நஸ்தநுவோ ருத்ர ரீரிஷஃ ।
மா நஸ்தோகே தநயே மா ந ஆயுஷி மா நோ கோஷு மா நோ அஶ்வேஷு ரீரிஷஃ ।
வீராந்மா நோ ருத்ர பாமிதோऽவதீர்ஹவிஷ்மஂதோ நமஸா விதேம தே ।
ஆராத்தே கோக்ந உத பூருஷக்நே க்ஷயத்வீராய ஸும்நமஸ்மே தே அஸ்து ।
ரக்ஷா॑ ச நோ॒ அதி॑ ச தேவ ப்ரூ॒ஹ்யதா॑ ச நஃ॒ ஶர்ம॑ யச்ச த்வி॒பர்​ஹாஃ᳚ ।
ஸ்துஹி ஶ்ருதஂ கர்தஸதஂ-யுఀவாநஂ ம௃கந்ந பீமமுபஹத்நுமுக்ரம் ।
ம௃டா ஜரித்ரே ருத்ர ஸ்தவாநோ அந்யஂதே அஸ்மந்நிவபஂது ஸேநாஃ᳚ ।
பரிணோ ருத்ரஸ்ய ஹேதிர்வ௃ணக்து பரி த்வேஷஸ்ய துர்மதி ரகாயோஃ ।
அவ ஸ்திரா மகவத்ப்ய-ஸ்தநுஷ்வ மீட்வஸ்தோகாய தநயாய ம௃டய ।
மீடுஷ்டம ஶிவதம ஶிவோ நஃ ஸுமநா பவ ।
பரமே வ௃க்ஷ ஆயுதந்நிதாய க௃த்திஂ-வఀஸாந ஆசர பிநாகஂ பிப்ரதாகஹி ।
விகிரித விலோஹித நமஸ்தே அஸ்து பகவஃ ।
யாஸ்தே ஸஹஸ்ரக்ஂ ஹேதயோந்யமஸ்மந்நிவபஂது தாஃ ।
ஸஹஸ்ராணி ஸஹஸ்ரதா பாஹுவோஸ்தவ ஹேதயஃ ।
தாஸாமீஶாநோ பகவஃ பராசீநா முகா க௃தி ॥ 10 ॥

ஸ॒ஹஸ்ரா॑ணி ஸஹஸ்ர॒ஶோ யே ரு॒த்ரா அதி॒ பூம்யா᳚ம் ।
தேஷாக்ஂ ஸஹஸ்ரயோஜநேऽவதந்வாநி தந்மஸி ।
அஸ்மிந்மஹத்யர்ணவே᳚ऽஂதரிக்ஷே பவா அதி ।
நீலக்ரீவாஃ ஶிதிகஂடாஃ᳚ ஶர்வா அதஃ, க்ஷமாசராஃ ।
நீலக்ரீவாஃ ஶிதிகஂடா திவக்ஂ ருத்ரா உபஶ்ரிதாஃ ।
யே வ௃க்ஷேஷு ஸஸ்பிஂஜரா நீலக்ரீவா விலோஹிதாஃ ।
யே பூதாநாமதிபதயோ விஶிகாஸஃ கபர்திநஃ ।
யே அந்நேஷு விவித்யஂதி பாத்ரேஷு பிபதோ ஜநாந் ।
யே ப॒தாஂ ப॑தி॒ரக்ஷ॑ய ஐலப௃॒தா॑ ய॒வ்யுதஃ॑ ।
யே தீர்தாநி ப்ரசரஂதி ஸ௃காவஂதோ நிஷஂகிணஃ ।
ய ஏதாவஂதஶ்ச பூயாக்ஂஸஶ்ச திஶோ ருத்ரா விதஸ்திரே ।
தேஷாக்ஂ ஸஹஸ்ரயோஜநேऽவதந்வாநி தந்மஸி ।
நமோ ருத்ரேப்யோ யே ப௃திவ்யாஂ-யேఀ᳚ऽஂதரிக்ஷே
யே திவி யேஷாமந்நஂ-வாఀதோ வர்ஷமிஷவஸ்தேப்யோ தஶ
ப்ராசீர்தஶ தக்ஷிணா தஶ ப்ரதீசீ-ர்தஶோ-தீசீ-ர்தஶோர்த்வாஸ்தேப்யோ
நமஸ்தே நோ ம௃டயஂது தே யஂ த்விஷ்மோ
யஶ்ச நோ த்வேஷ்டி தஂ-வோఀ ஜஂபே ததாமி ॥ 11 ॥

த்ர்யஂபகஂ-யఀஜாமஹே ஸுகஂதிஂ புஷ்டிவர்தநம் ।
உர்வாருகமிவ பஂதநாந்ம௃த்யோர்முக்ஷீய மாऽம௃தா᳚த் ।
யோ ருத்ரோ அக்நௌ யோ அப்ஸு ய ஓஷதீஷு
யோ ருத்ரோ விஶ்வா புவநா விவேஶ தஸ்மை ருத்ராய நமோ அஸ்து ।
தமு ஷ்டுஹி யஃ ஸ்விஷுஸ்ஸுதந்வா யோ விஶ்வஸ்ய க்ஷயதி பேஷஜஸ்ய ।
யக்ஷ்வா᳚ம॒ஹே ஸௌ᳚மந॒ஸாய॑ ரு॒த்ரஂ நமோ᳚பிர்தே॒வமஸு॑ரஂ துவஸ்ய ।
அயஂ மே ஹஸ்தோ பகவாநயஂ மே பகவத்தரஃ ।
அ॒யஂ மே᳚ வி॒ஶ்வபே᳚ஷஜோ॒ऽயக்ஂ ஶி॒வாபி॑மர்​ஶநஃ ।
யே தே ஸஹஸ்ரமயுதஂ பாஶா ம௃த்யோ மர்த்யாய ஹஂதவே ।
தாந் யஜ்ஞஸ்ய மாயயா ஸர்வாநவ யஜாமஹே ।
ம௃த்யவே ஸ்வாஹா ம௃த்யவே ஸ்வாஹா᳚ ।
ஓஂ நமோ பகவதே ருத்ராய விஷ்ணவே ம௃த்யுர்மே பாஹி ॥
ப்ராணாநாஂ க்ரஂதிரஸி ருத்ரோ மா விஶாஂதகஃ ।
தேநாந்நேநா᳚ப்யாயஸ்வ ॥
நமோ ருத்ராய விஷ்ணவே ம௃த்யுர்மே பாஹி ॥
ஸதாஶி॒வோம் ।

ஓஂ ஶாஂதிஃ ஶாஂதிஃ ஶாஂதிஃ ।