ஸ்ரீ ஹயக்ரீவ ஸ்தோத்ரம்

ஞானானந்தமயம் தேவம் நிர்மல ஸ்படிகாக்ருதிம்
ஆதாரம் சர்வவித்யாநாம் ஹயக்ரீவமுபாஸ்மஹே ॥ 1 ॥

ஸ்வதஸ்ஸித்தம் சுத்தஸ்படிகமணி பூப்ருத் பிரதிபடம்
ஸுதாஸத்ரீசீபிர் த்யுதிபிரவதாத த்ரிபுவனம் ।
அநந்தைஸ் த்ரய்யந்தைரனுவிஹித ஹேஷாஹலஹலம்
ஹதாஶேஷாவத்யம் ஹயவதனமீடே மஹிமஹஃ ॥ 2 ॥

ஸமாஹாரஸ் ஸாம்நாம் பிரதிபதம்ருசாம் தாம யஜுஷாம்
லயஃ பிரத்யூஹாநாம் லஹரிவிததிர் போதஜலதேஃ ।
கதாதர்பக்ஷுப்யத் கதககுலகோலாஹலபவம்
ஹரத்வந்தர்த்வாந்தம் ஹயவதன ஹேஷாஹலஹலஃ ॥ 3 ॥

ப்ராசீ சந்த்யா காசித் அந்தர்நிசாயாஃ
ப்ரஜ்ஞாத்ருஷ்டே ரஞ்சனஸ்ரீரபூர்வா ।
வக்த்ரீ வேதாந் பாது மே வாஜிவக்த்ரா
வாகீசாக்யா வாசுதேவஸ்ய மூர்த்திஃ ॥ 4 ॥

விசுத்தவிஞ்ஞானகனஸ்வரூபம்
விஞ்ஞான விஸ்ராணன பத்ததீக்ஷம் ।
தயாநிதிம் தேஹப்ருதாம் சரண்யம்
தேவம் ஹயக்ரீவமஹம் ப்ரபத்யே ॥ 5 ॥

அபௌருஷேயைரபி வாக்ப்ரபஞ்சைஃ
அத்யாபி தே பூதிமத்ருஷ்டபாராம் ।
ஸ்துவந்நஹம் முக்த இதி த்வயைவ
காருண்யதோ நாத கடாக்ஷணீயஃ ॥ 6 ॥

தாக்ஷிண்யரம்யா கிரிசஸ்ய மூர்த்திஃ
தேவீ ஸரோஜாஸனதர்மபத்னீ ।
வ்யாசாதயோऽபி வ்யபதேச்யவாசஃ
ஸ்புரந்தி சர்வே தவ சக்திலேசைஃ ॥ 7 ॥

மந்தோऽபவிஷ்யந்நியதம் விரிஞ்சஃ
வாசாம் நிதேர் வாஞ்சிதபாகதேயஃ ।
தைத்யாபநீதாந் தயயைந பூயோऽபி
அத்யாபயிஷ்யோ நிகமாந் ந சேத் த்வம் ॥ 8 ॥

விதர்க்கடோலாம் வ்யவதூய சத்த்வே
ப்ருஹஸ்பதிம் வர்தயஸே யதஸ்த்வம் ।
தேநைவ தேவ த்ரிதசேச்வராணாம்
அஸ்ப்ருஷ்டடோலாயித மாதிராஜ்யம் ॥ 9 ॥

அக்நௌ சமித்தார்சிஷி சப்ததந்தோஃ
ஆதஸ்திவாந் மந்த்ரமயம் சரீரம் ।
அகண்டசாரைர் ஹவிஷாம் பிரதாநைஃ
ஆப்யாயனம் வ்யோமசதாம் விதத்ஸே ॥ 10 ॥

யன்மூலமீத்ருக் பிரதிபாததத்த்வம்
யா மூலமாம்நாய மஹாத்ருமாணாம் ।
தத்த்வேந ஜாநந்தி விசுத்தசத்த்வாஃ
த்வாமக்ஷரம் அக்ஷரமாத்ருகாம் த்வாம் ॥ 11 ॥

அவ்யாக்ருதாத் வ்யாக்ருதவாநசி த்வம்
நாமாநி ரூபாணி ச யாநி பூர்வம் ।
சம்சந்தி தேஷாம் சரமாம் பிரதிஷ்டாம்
வாகீச்வர த்வாம் த்வதுபஜ்ஞவாசஃ ॥ 12 ॥

முக்தேந்து நிஷ்யந்த விலோபநீயாம்
மூர்த்திம் தவானந்த சுதாப்ரசூதிம் ।
விபச்சிதச் சேதசி பாவயந்தே
வேலாம் உதாராமிவ துக்தசிந்தோஃ ॥ 13 ॥

மனோகதம் பஷ்யதி யஸ் ஸதா த்வாம்
மநீஷிணாம் மானசராஜஹம்ஸம் ।
ஸ்வயம் புரோபாவ விவாதபாஜஃ
கிம் குர்வதே தஸ்ய கிரோ யதார்ஹம் ॥ 14 ॥

அபி க்ஷணார்த்தம் கலயந்தி யே த்வாம்
ஆப்லாவயந்தம் விசதைர் மயூகைஃ ।
வாசாம் ப்ரவாஹைர் அநிவாரிதைஸ்தே
மந்தாகிநீம் மந்தயிதும் க்ஷமந்தே ॥ 15 ॥

ஸ்வாமின் பவத்த்யான சுதாபிஷேகாத்
வஹந்தி தந்யாஃ புலகாநுபந்தம் ।
அலக்ஷிதே க்வாபி நிரூடமூலம்
அங்க்வேஷ்விவ ஆனந்ததும் அங்குரந்தம் ॥ 16 ॥

ஸ்வாமின் பிரதீசா ஹ்ருதயேன தந்யாஃ
த்வத்த்யான சந்த்ரோதய வர்தமானம் ।
அமாந்தமானந்த பயோதிமந்தஃ
பயோபிரக்ஷ்ணாம் பரிவாஹயந்தி ॥ 17 ॥

ஸ்வைராநுபாவாஸ் த்வததீநபாவாஃ
ஸம்ருத்தவீர்யாஸ் த்வதநுக்ரஹேண ।
விபச்சிதோ நாத தரந்தி மாயாம்
வைஹாரிகீம் மோஹநபிஞ்சிகாம் தே ॥ 18 ॥

ப்ராங்நிர்மிதாநாம் தபசாம் விபாகாஃ
ப்ரத்யக்ரநிச்ச்ரேயச சம்பதோ மே ।
ஸமேதிஷீரன் ஸ்தவ பாதபத்மே
சங்கல்பசிந்தாமணயஃ ப்ரணாமாஃ ॥ 19 ॥

விலுப்தமூர்த்தந்ய லிபிக்ரமாணாம்
சுரேந்த்ரசூடாபத லாலிதாநாம் ।
த்வதங்க்ரிராஜீவ ரஜஃகணாநாம்
பூயாந்ப்ரசாதோ மயி நாத பூயாத் ॥ 20 ॥

பரிஸ்புரந்நூபுர சித்ரபாநு
ப்ரகாச நிர்தூத தமோநுஷங்கா ।
பதத்வயீம் தே பரிசிந்த்மஹேऽந்தஃ
ப்ரபோதராஜீவ விபாதசந்த்யாம் ॥ 21 ॥

த்வத்கிங்கராலங்கரணோசிதாநாம்
த்வயைவ கல்பாந்தர பாலிதாநாம் ।
மஞ்சுப்ரணாதம் மணிநூபுரம் தே
மஞ்சூஷிகாம் வேதகிராம் பிரதீமஃ ॥ 22 ॥

சஞ்சிந்தயாமி பிரதிபாத சாஸ்தாந்
சந்துக்ஷயந்தம் சமயப்ரதீபாந் ।
விஞ்ஞானகல்பத்ரும பல்லவாபம்
வ்யாக்யானமுத்ரா மதுரம் கரம் தே ॥ 23 ॥

சித்தே கரோமி ஸ்புரிதாக்ஷமாலம்
ஸவ்யேதரம் நாத கரம் த்வதீயம் ।
ஞானாம்ருதோதஞ்சன லம்படாநாம்
லீலாகடீயந்த்ரமிவாச்ரிதாநாம் ॥ 24 ॥

ப்ரபோதசிந்தோர் அருணைஃ ப்ரகாசைஃ
ப்ரவாளசங்காதமிவோத்வஹந்தம் ।
விபாவயே தேவ ச புஸ்தகம் தே
வாமம் கரம் தக்ஷிணமாச்ரிதாநாம் ॥ 25 ॥

தமாம் ஸி பித்த்வா விசதைர் மயூகைஃ
சம்ப்ரீணயந்தம் விதுஷச் சகோராந் ।
நிசாமயே த்வாம் நவபுண்டரீகே
சரத்கனே சந்த்ரமிவ ஸ்புரந்தம் ॥ 26 ॥

திசந்து மே தேவ சதா த்வதீயாஃ
தயாதரங்கானுசராஃ கடாக்ஷாஃ ।
ச்ரோத்ரேஷு புஞ்சாமம்ருதம் க்ஷரந்தீம்
சரஸ்வதீம் சம்ச்ரிதகாமதேனும் ॥ 27 ॥

விசேஷவித் பாரிஷதேஷு நாத
விதக்தகோஷ்டீ சமராங்கணேஷு ।
ஜிகீஷதோ மே கவிதார்க்கிகேந்த்ராந்
ஜிஹ்வாக்ரசிம்ஹாசனமப்யுபேயாஃ ॥ 28 ॥

த்வாம் சிந்தயன் த்வன்மயதாம் ப்ரபந்நஃ
த்வாமுத்க்ருணன் சப்தமயேந தாம்நா ।
ஸ்வாமின் சமாஜேஷு சமேதிஷீய
ஸ்வச்சந்தவாதாஹவ பத்தசூரஃ ॥ 29 ॥

நாநாவிதாநாம் அகதிஃ கலாநாம்
ந சாபி தீர்த்தேஷு க்ருதாவதாரஃ ।
த்ருவம் தவாநாத பரிக்ரஹாயாஃ
நவநவம் பாத்ரமஹம் தயாயாஃ ॥ 30 ॥

அகம்பநீயாந்யபநீதிபேதைஃ
அலங்க்ருஷீரன் ஹ்ருதயம் மதீயம் ।
சங்கா களங்கா பகமொழ்ஜ்வலாநி
தத்த்வாநி சம்யஞ்சி தவ ப்ரசாதாத் ॥ 31 ॥

வ்யாக்யாமுத்ராம் கரசரசிஜைஃ புஸ்தகம் சங்கசக்ரே
பிப்ரத் பின்ன ஸ்படிகருசிரே புண்டரீகே நிஷண்ணஃ ।
அம்லாநஸ்ரீரம்ருதவிசதைரஞ்சுபிஃ ப்லாவயன்மாம்
ஆவிர்பூயாத் அனகமஹிமா மானசே வாகதீசஃ ॥ 32 ॥

வாகர்த்தசித்தி ஹேதோஃ படத ஹயக்ரீவசம்ஸ்துதிம் பக்த்யா ।
கவிதார்க்கிககேசரிணா வேங்கடநாதேந விரசிதாமேதாம் ॥ 33 ॥